قصيدة فكاهية ... غزلية

بسم الله الرحمن الرحيم


أولا .... الموضوع منقول للأمانة..



القصيدة فكاهية روعة ...
تغزل في المتينات .... من قدهن؟




آه مـن قلـبٍ تولـع بالمتيـنـه *** وزنهـا 90 كيـلـو يابختـهـا


متنها يعطي حلى والعقـل زينـه *** والسوالف كـدرر لامـن حكتهـا


الرزانه بالعشـر ابصـم رزينـه *** والـدروب العـوج لله مامشتهـا


فاهمه ماهمـها الطيـش وسنينـه *** والدراسه ناجحـه فـي مدرستهـا


ان تثنت مانـي قايـل ياسمينـه *** وان مشت تهتز الارض اللي تحتها


وصوتها لامن حكت تسمع ونينـه *** ودمها شربات محلـى سويلفتهـا


تكره البنطـال والجنـز وتدينـه *** لبسها ضافـي ولايـق لطخمتهـا


وشوف عيني يوم هوشتها ذهينـه *** امسكت وحده نحيفـه واسدحتهـا


النحيفه مـن بـدت هـي اللعينـه *** يوم قالت انتـي دبـه واشتمتهـا


وامسكتها بنت ابوهـا هالسمينـه *** وابركت من فوقها ليـن اقفصتهـا




مجديـه بالبنـت خلتهـا عجينـه *** احذرن يالبيض ويل اللي ابتلتهـا


لايمي عسى العمى يمسـي بعينـه *** ظالمٍ بخته وهـم ضالـم بختهـا


جيتهـا واشوفـهـا دره ثميـنـه *** وياعذابي يـوم غرتهـا اكشفتهـا



الحـلا والملـح كلـه بالمتيـنـه *** مع نعومة خدها عرض افطحتهـا




======================


للمعلوميه طبعاً فيه بعض الكلمات البعض منهم مايفهمومنا



???????????????????????????

مجديـه : يعنى جيده فى الفعل هذا

???????وطبعاً هذا ليس بنقص فى الرشيقات وكلن فيه قسمه ونصيبه???????????????

هههههههههههههههههههههههههههههههههههههههه
هههههههههههههههههههههههههههههههههههههههه

يعطيك العااافيه ..