اقرأ بتمعن
ماني بمن ياتي ولا يدرابه
شطر حفظته ما عرف كتابه.....
والردهو:
ماني بمن ياتي على شـان يـدرون
انا اللذي يـدرون بـه قبـل ياتـي
نجمي سطع من غير بيرق ومليـون
قليل فـي جيلـي يسـوي سواتـي
ماجيت اهايط بـس لا زم تعرفـون
مازعزعت بعض السوالـف ثباتـي
لو شلت في قلبي مثـل مايشيلـون
ماكانت الطيبة مـن ابـرز صفاتـي
يامحمد ابن فطيس وش فيك مشحون
مااخطيت يوم اني حسبتـك لقاتـي
ابي اطفي الفتنه وابي انشدك وشلون
اسلم من الضيعـه واجمـع شتاتـي
الناس معها عقل ولسـان وعيـون
وقدامهم كزيت.... يمك ..وصاتـي
ماجيتك ببيت مـع الشعـر مدفـون
جيتك علىوضـح النقـا ياغناتـي
ماني من اللي في قفا الناس يحكـون
عيب على ألحـق خويـي حصاتـي
اللـي لياقفيـت عنـهـم يـهـدون
ماهـم بكفـو لرجعتـي والتفـاتـي
سكرت اذاني عـن وكالـة يقولـون
وذكرت لـي بيـت يفسـر سكاتـي
الله يجيبك مـن بعيـد ن اليـا دون
والله يحطـك باللقـا مـن تـلاتـي[/
السبت يناير 03, 2009 8:00 am
