من طرائف رئيس نادي النصر عبدالرحمن بن سعود,,
طبعآ عبدالرحمن بن سعود معروف ماشاء الله عليه بسرعة البديهه,,
وأجوبته يكون فيها نوع من الضحك,,
إليكم بعض ما سمعت,,
سئل عبدالرحمن بن سعود مره عن أحسن هدف شافه لسامي الجابر,,
فأجاب : أحسن هدف له هو هدفه في دعاية شماغ المراسيم,,
ـــــــــــــــــــــــــ ــــــــــــــ
ومره في برنامج على الهواء دقت عليه وحده وسألته سؤال مباشر,,
انت أمير مهوب المفروض إنك تجلس في الملعب المفروض تجلس في مكان الأمراء,,؟؟
ورد عليها قال : والله ياأختي لو هي على المفروض كان المفروض أنتي في المطبخ,,وش دخلك في الرياضه,,!!؟
ـــــــــــــــــــــــــ ـــــــــــــ
ومره سئل عن أحسن فنانات الخليج,,؟؟
فأجاب : أحلام وجواد العلي,,!!
ـــــــــــــــــــــــــ ــــــــــ
وفي يوم من الاأيام كان فيه برنامج في قناة الجزيره عن كأس العالم,,
وكانوا يتكلمون عن إستضافة كأس العالم في السعوديه,,
فأتصل شخص من دولة الكويت يقول من وجهة نظره أن السعوديه لا تستطيع إستضافة كأس العالم,,ولا تستطيع إستضافة
أندية العالم,,لأنها كما ذكر تحتاج إلى إمكانيات عاليه,,
فأتصل عبدالرحمن بن سعود,,مباشره بالبرنامج بعد الأخ الكويتي,,فشكر الأخوان على
الموضوع المطروح,,وقال: أنا أتصلت تعقيبآ على كلام الأخ الكويتي اللي اتصل ويقول السعوديه
لا تستطيع استضافة أندية العالم,,!!
ياعزيزي السعوديه إستضافت دولة بحكامها وشعبها وأنديتها ولمده أطول من كأس العالم,,كيف ماتقدر تستضيف بطولة,,!!!
ـــــــــــــــــــــــــ ــــــــــــ
ومره يقولون ان الأمير سلمان بن عبدالعزيز عرض على عبدالرحمن بن سعود
إمارة مدينه الخرج فرفض قائلآ: جماهير النصر أكثر من سكان الخرج,,!!!
ـــــــــــــــــــــــــ ـــــــــــ
ومره يقال أن واحد قال لعبدالرحمن بن سعود أن ماجد عبدالله يلبس سلسال ذهب على رقبته !!
رد عليه الأمير مباشره: يأخي ألبس رشرش وإلعب نصف لعبه,,!!
ـــــــــــــــــــــــــ ــــــــــ
وسئل مره ليش دائمآ يقولون الهلال والنصر,,ولايقال النصر والهلال مثلآ,,
فرد عليه: يأخي بعد تراهم يقولون سيداتي سادتي,,!!
ـــــــــــــــــــــــــ ــــــ
سألوه وش اغرب
موقف شفته بحياتك الرياضيه,,!؟؟
قال: الله يعزّكم الأول ال*** اللي لحق ابراهيم الحلوه
بالأردن اظن في البطوله العربيه,,
وال*** الثاني اللي بإستاد جدّه
(يقصد خالد قهوجي يوم يمد لسانه في مباراة النصر والأهلي),,
ـــــــــــــــــــــــــ ــــ
وفي أحد المرات قيل له أن جماهير الاتحاد أكثر من جماهير النصر,,فقال:
لو جاء جيب الجوازات مابقى بالمدرجات أحد,,!!!
^
خخخخخخخخخخخخ
انه كان في مقهى في فرنسا فجا عنده واحد مشبه عليه وسلم عليه وعرف بنفسه وقال معك عبدالرحمن الازرق والظاهر انه من المغرب العربي فرد عليه الامير عبدالرحمن بسرعه وقاله وانا معاك عبدالرحمن الاصفر..........
ومره كان الامير عبدالرحمن منوم في المستشفى فزاوره الملك عبدالله على ايامه وهو ولي العهد فدخل عنده واول ماسلم عليه قاله ياعبدالرحمن شوف وش سويت بصحتك متى بتترك رئاسة النصر فرد عليه الامير عبدالرحمن بسرعه وقاله باترك رئاسة النصر لما تترك انت رئاسة الحرس الوطني هههه
الله يرحمه ويسكنه الجنة..
الثلاثاء يناير 06, 2009 2:44 am